地中海餐廳

貪新鮮去左"朗豪坊"呢呢間"地中海"
等位既人唔多~但次次比既都係2人位~
所以我地一行3人都等左差唔多大半小時先有位
入到去就叫野食......頭盤好快上枱~諗住食完重可以行下陣先走
點知ZZZZ...ZZZzzzZzzzzzzzzzzzzzz..........
再等多半小時先上第一個主菜......我開始留意其他人客
哥哥食完佢個飯之後好快咁有人黎問我地飲咩
我 : 黎左一個餐咋~遲d先啦~等我地食埋就會叫野飲
再過多5分鍾又黎問~哥哥望左佢一眼再問佢係你咪吹我地走
又過多5分鍾~又問....我反問佢~你想點呀~
又再過多5分鍾~佢用...借問3位想飲咩......我已經火火地同佢講~冇野想飲
我留意到我地後面個枱客已經換左3次人
打算埋單走個陣~條由又黎......唔知3位想到飲咩未~我地最後柯打
我答 : 好!唔該埋單~　條由呆左　我話：係呀埋單～快呀！唔該！
條由一轉身行左３步到～我地既主菜黎啦．．．算啦食埋咪走囉
點知真係想叫野飲既時候一個人都冇～唔理我地　
叫左野飲之後～好快咁上埋甜～玥接住比叫我地埋單
我比張信用咭佢啦～跟住條由立即放低張單走左～
我咪拎埋ｄ野行埋收銀比佢囉．．收銀個又望住我～
我答：信用咭黎架～係咪未見過定唔知咩黎～
跟住收銀好快手咁攪好晒野比我地走～跟住個兩條由黑口黑面咁送我地走
好地地一餐飯～由等到食用左兩個半鍾～Ｄ野重要唔好食～重要阻人打烊

頭盤

＜燒春雞天使麵＞最好食呢個

＜香草白汁海鮮天使麵＞得Ｄ奶咪冇香草味
＜白汁焗龍利柳飯＞最難食＋最快到＋最冇成意之作

＜朱古力芝士雲石蛋糕＞好酸同有小小苦澀

合桃曲奇(附食譜)

由於媽媽是不食蛋~所以整左D冇蛋既曲奇
焗左兩底~淡色D個底係第二底(我鍾意多D)

合桃曲奇

材料：
無鹽牛油 225克
糖粉 100克
香草油 小許
牛奶 20毫升
碎合桃 65克
低筋麵粉 300克
白紗糖 適量

製作：
1. 牛油回到室溫， 把牛油攬成乳霜， 糖粉分兩次篩入。
2. 加入香草油， 徐徐加入牛奶。
3. 加入碎合桃。
4. 慢慢篩入低筋麵粉， 拌勻 。
5. 準備一張硬咭紙。
6. 將麵團分成兩份， 包上保鮮紙，卷成圓柱型，再用硬咭紙卷，再用橡根固定。
7. 放入冰格大約半小時。
8. 取出， 撤上白紗糖， 切成7-8mm厚。
9. 用170度烤15-20分鐘至金黃色。

(我只用左一半材料已經整左48塊~我重冇加牛奶~同改左用紅糖)

Anya Hindmarch (I m Not A Plastic Bag)

呢個袋一出書就已經好想買~
我真係考慮過去排隊......但想想下
要7月5日下午出去開始排隊就唔願意
一早哥哥去到The Landmark 送貨見到咁多人就打電話比我
阿妹~The Landmark 比人圍左兩個圈@0@
再在網上討論區睇睇~好多人都話7月5日下午已經派籌
但又冇人公佈咁咪對The Landmark 夜晚排D好唔公平囉
排左一日通宵先知原來係買唔到既
7月6要再去排隊買個袋~再細心想想好似唔係好值得
為個袋要排兩日隊一D都唔值留番D時間好過
都係個句~比D大公司玩死

一口鳳梨酥(附食譜)

為左星期日既活動提早試下整"一口鳳梨酥"多
我明明跟住食譜做~做左24隻出黎~但重有多左材料出黎
可做多10+隻出黎@_@一口一隻好Q好好食又好玩~
整到好似菠蘿包咁~哈哈~我就用150度焗10鐘關下火焗多5鐘分鐘
我第一盤150度跟足15分鐘黎焗但個低蕉左~所以改改~OK喎

材料：
低粉１５０克　
牛油１１５克　
糖份３８克　
吉士粉２０克　
奶粉１湯匙　
鳳梨餡１２０克

做法：

１）牛油先切粒，放回雪櫃，直至用時才取出。

２）將低粉、糖份、吉士粉和奶粉混合，加入牛油搓成麵包糠狀，再搓成柔軟粉糰。

３）牛油粉糰分２４份，每個１０克；鳳梨餡分２４份，每個５克；包好搓圓塞入模內。

４）用１８０度焗１５分鐘。

Mrs. Field Cookies(附食譜)

我好鍾意食Mrs. Field Cookies所以見網上有食譜就試下整
其次係為左今晚既舊同事聚會而整的~
唔知算唔算成功~感覺同街買的一D都唔同.....
但都好好食~

食譜

材 料 :
· 牛 油 62.5克﹝放 室 溫 放 軟﹞
· 黃 糖 100 克
· 雲 呢 拿 香 油 1 茶 匙
· 雞 蛋 一 隻﹝稍為打散﹞
· 梳 打 粉 1 茶 匙
· 低 筋 麵 粉 155克
· 朱 古 力 粒 100 克

做 法 :
1. 預 熱 焗 爐 180度，烤 盤 舖 上 牛 油 紙 。
2. 把 梳 打 粉 、 低 筋 麵 粉 同 篩 好 備 用 。
3. 用 電 動 打 蛋 器 把 牛 油 、糖 和 雲 呢 拿 香 油 打 至 柔 細 狀 。
4. 分 2 次 把 蛋 加 入 (3.) 內 ， 每 次 加 入 都 要 打 勻 。
5. 將 已 篩 好 的 梳 打 粉 及 低 筋 麵 粉 加 入 (4.) 中 ， 攪 勻 至 順 滑 。
6. 加 入 朱 古 力 粒 。
7. 將 大 約 1 湯 匙 的 拌 料 放 在 預 備 好 的 烤 盤 ， 給 它 們 空 間 擴 張 ， 稍 壓 平 ， 烤 10分 鐘 或 稍 焦 黃 色 並 熟 透 ， 移 到 架 上 待 冷 卻 。

印花牛油曲奇+鮮奶蛋撻(附食譜)

忽然好想整牛油曲奇~但又想食蛋撻
所以用左同一個皮去整左兩樣野~好似有點花心

曲奇出奇地好食~蛋撻出寄地成功

牛油皮材料:

糖霜 50g

牛油 100 g

蛋 半隻 (約25g)

麵粉 150 g

蛋撻餡水材料:

糖 50 g

蛋 1 隻

花奶 150 g

雲喱拿油少許

製法: 糖,水開溶凍後加花奶及蛋攪勻便可

 

1)      麵粉, 牛油, 蛋, 糖霜搓勻

2)      放入雪柜雪凍

3)      將圓球搓圓壓扁套入模內，邊轉圈邊以拇指將撻皮壓入，直至完全貼住撻模

4)      放入蛋撻餡水入爐用220度焗約12-14分鐘

牛油皮蛋撻食譜 

材 料 :  ( 7 - 8 個 份 量 )

撻 皮 : 

低筋粉 (篩好) 130 克     無鹽牛油 (室温)  72 克     砂糖 49 克    奶粉 5 克

雞蛋 (打散) 23 克

蛋  漿  材  料  :

雞蛋 120 克   糖水 235 克   淡忌廉 (改用 ~ 花奶 / 鮮奶) 58 克    

雲呢拿油   1/8 茶匙  (可加 或 不加) ***

糖 水  :  沸熱水 78 克 + 砂糖 157 克  (煮溶) = 糖 水  ****

做 法 :   ( 7 - 8 個 份 量 ) 
(1)  將室温牛油 + 砂糖 用手搓成乳白色 。

(2)  再加入蛋漿用膠挖拌勻混合及再加入巳篩好低筋粉用膠挖將材料搓成麵團。

(3)  將麵糰用保鮮紙包好 及 放入雪櫃冷藏一陣 ( 不宜雪太久 ) 。

(4) 將麵糰取出 及 分成 7-8 等 份 ( @ 30-35 克 ) 將每個小麵團壓在撻模內及

      撻皮按壓是否平均 。

(5)  蛋 漿 :  雞蛋 (打散)  + 淡忌廉 + 雲呢拿香油 (拌勻) 。

(6) 將之前預備好糖水撞入蛋漿內 ( 期間不停攪拌勻) 。

(7) 用隔薛 ~ 隔一次蛋漿 (令蛋漿滑身d ) 。

(8) 倒蛋漿入撻模內至 8-9 成滿，以 190 度火 (底層) 焗 10 分鐘後，再轉

      (中層) 焗 10 分鐘 。

再戰鳳梨酥(附食譜)

今次就整左打半~媽媽重叻到搵盒包好拎走
現在得重一打~本來想拎去元朗探人點知落大雨冇去
明天媽媽又會拎半打送去比表妹~黎緊整D咩好呀
呢批爐溫再低左~好左好多~表面金黃色~靚左好多~

材料 : 牛油/酥油 128g, 低粉 170g, 糖霜 42g, 吉士粉 21g, 鳳梨酥餡 270g,

做法 : 把所有材料搓成麵團, 分成12份, 皮25g重, 餡12g重, 麵團包入餡滾圓, 放入模壓成形, 用200度焗20-25分鐘至金黃色即可